ليش تتكلم عن الحب؟

ليش تتكلم عن الحب؟

حب إيش اللي جاي تتكلم عنه؟
حب وهمي… مزيف… بلا قيمة ولا عنوان.
لما تذكر كلمة الحب، أنا أستغرب…
تحكي عنه وكأنك عشته، وكأنك فهمته،
بس الحقيقة؟
ما بينك وبين الحب دنيا كاملة،
دنيا ما تقدر توصلها،
ولا حتى تلمسها بخيالك ولا بأحلامك.

الحب مو كلمة تتقال،
ولا رسالة، ولا لحظة إعجاب عابرة…
الحب حياة، نبض، تضحية، إحساس يغيّر الروح،
وهذا الشي بالنسبة لي أغلى من حياتي ومن كل شي عندي.

انت؟
وين والحب وين؟
ظلمة معك، غياب، قسوة، فراغ…
لو يوم حسّيت بحب صادق،
ولو عرفت معنى العطاء لحدّ واحد فقط،
كان الوضع تغيّر،
كانت مشاعرك أصدق،
وكان قلبك أجمل.

بس ليش تتجرّم على الحب؟
ليش تشوّه معناه؟
ليش تحوله جرح بدل ما يكون دواء؟

الحقيقة؟
انت ما عرفت الحب يوم،
ولا فهمت قيمته،
ولا حسّيت بنوره.

أما أنا، فالحب عندي عالم ثاني،
نقاء، دفء، أمان،
شي يعيش فيني ويكبر،
مو مجرد كلمة تتكرر.

محمود بن سالم الغريبي

٢٣/١١/٢٠٢٥